حبيباتي..
السلام عليكم ورحمة الله
بما اني بموووووووووووووت في الكارتون
فقلت لازم اتحفكم بأحلى أفلام الكارتون اللي عندي
عندي كمية كبيرة من افلام كارتون ديزني
ان شاء الله هنزلهالكم كلللللللها
واللي مش عندي هجيبه من على النت
بس خلونا نتفق على حاجة الاول..
كل فيلم مقسم لأكتر من جزء
اثنين او ثلاثة أجزاء
ياريت تنزلو اجزاء الفيلم على بعضها
وبعدين تنقلوها في فايل لوحدها
وبعدين تفكوها مرة واحدة
والافلام بعضها بباسوورد
وبعضها من غير باسوورد
حملو
برنامج الوينرار لفك الملفات
بس قبل اي حاجة ندعي لكل شخص
رفع فيلم او ترجمه او دبلجه واحنا اخدناه منه على الجاهز
بالنسبة لكيفية التحميل..
كل الافلام مرفوعة على الرابيدشير والميجا ابلود..
* الرابيدشير: لما تضغطي على الرابط
هيجيلك صفحة فيها كورتين تحتهم مستطيلين
اضغطي على المستطيل اللي مكتوب فيه free user
هتجيلك صفحة تانية فيها عد تنازلي
ولما يوصل للصفر هتجيلك دائرة
مكتوب فيها download
اضغطي عليها هيجيلك مربع اختاري فيه save file
و ok
* الميجا ابلود: اضغطي على الرابط هيجيلك صفحة
هتلاقي فوق على اليمين 4 حروف متداخلين
وجنبهم مستطيل، اكتبي الاربع حروق في المستطيل وبعدين اضغطي على
المستطيل البرتقالي اللي تحتهم
اللي مكتوب فيه download file
هيجيلك صفحة تانية فيها عد تنازلي،
لما يوصل للصفر هيجيلك مستطيلين
اضغطي على اللي مكتوب فيه
regular download
هيجيلك مربع اختاري منه save file
بس كده..
نيجي لفك الربط:
استني لما تحملي اجزاء الفيلم كلللها
(مينفعش تحملي جزء وتفكيه .. مش هيرضى يتفك)
وحطيهم في فايل مع بعض
(يعني خدي الاجزاء وحطيها في فايل لوحدها
ميكونش معاها اي حاجة تانية)
واضغطي بالكليك اليمين على اول جزء
واختاري فك هنا او extratct here
لو الفيلم ملهوش باسوورد هيتفكو الاجزاء مع بعضها علطول
اما لو له باسوورد هيطلب الباسوورد
خديه زي ما هو في الموضوع كوبي
وحطيه بـ بيست
بس كده
ومشاهدة ممتعة لكم ولأسرتكم